Hinn móálótti vindóttir Lagsi var fyrsta folald Ösku okkur fætt, og fékk að halda öllum sínum kirtlum litarins vegna. Faðir hans, Silfri var notaður á hryssur í Bár þar sem Aska hefur verið undanfarinn áratug, og varð hann þannig fyrir valinu. Silfri er bleikálóttur vindótur, og fékk Lagsi vindótta litinn þaðan. Tvævetur var Lagsi í sérlega litskrúðugu hryssustóði að Svínhóli í Dölum. Allar hryssurnar köstuðu næsta vor, og voru fimm merfolöld sett á undan honum. Þrevetur þjónaði Lagsi hryssum að Ártúnum í Vestur-Landeyjum, fjögurra vetra var hann svo í hryssustóði að Lágafelli í Austur-Landeyjum.
Lagsi var ljúfur í skapi og auðveldur í umgengni þó hann væri graður. Í fyrstu atrennu til tamningar var hann meðfærilegur, en kippti ekki í móðurkynið hvað kraft og framgöngu varðar. Stefndi í að hann nyti sín best sem barna- og byrjendahestur. Síðar í tamningarferlinu virðist sem hann hafi lent í einhverri rimmu sem gekk nærri honum, svo að hann tapaði trausti til mannsins. Hann varði sig og tók upp á því að hrekkja, svo að úr varð að hann var felldur.
Saga Lagsa er þó ekki öll þar með sögð. Á heimsfrægu safni norður á Húsavík, Reðurstofu Íslands, er til sýnis allt hans graðhestsstolt, skaufi og pungur, frágengið samkvæmt kúnstarinnar reglum dýrasafna, geymdur í formalíni eins og hin mestu undur líffærafræðinnar. Þannig stendur á þessu að reðursafnari Íslands hefur átt í erfiðleikum með að fá heilt sett undan stóðhesti. Flestir hestar deyja geltir og bjóða því ekki uppá nema hálft sett. Stóðhestseigendur finna hins vegar margir svo til fola sinna að þá má ekki skerða í dauðanum og því hafa menn ekki ljáð máls á þessu þegar safnið hefur sett fram slíka ósk. Þykir Lagsi prýða safnið vel og hefur með þessu öðlast hlutdeild í eilífðinni.
Lagsi var ljúfur í skapi og auðveldur í umgengni þó hann væri graður. Í fyrstu atrennu til tamningar var hann meðfærilegur, en kippti ekki í móðurkynið hvað kraft og framgöngu varðar. Stefndi í að hann nyti sín best sem barna- og byrjendahestur. Síðar í tamningarferlinu virðist sem hann hafi lent í einhverri rimmu sem gekk nærri honum, svo að hann tapaði trausti til mannsins. Hann varði sig og tók upp á því að hrekkja, svo að úr varð að hann var felldur.
Saga Lagsa er þó ekki öll þar með sögð. Á heimsfrægu safni norður á Húsavík, Reðurstofu Íslands, er til sýnis allt hans graðhestsstolt, skaufi og pungur, frágengið samkvæmt kúnstarinnar reglum dýrasafna, geymdur í formalíni eins og hin mestu undur líffærafræðinnar. Þannig stendur á þessu að reðursafnari Íslands hefur átt í erfiðleikum með að fá heilt sett undan stóðhesti. Flestir hestar deyja geltir og bjóða því ekki uppá nema hálft sett. Stóðhestseigendur finna hins vegar margir svo til fola sinna að þá má ekki skerða í dauðanum og því hafa menn ekki ljáð máls á þessu þegar safnið hefur sett fram slíka ósk. Þykir Lagsi prýða safnið vel og hefur með þessu öðlast hlutdeild í eilífðinni.
Júní 2013
