Jóra hin brúnlitförótta kom í heiminn sumarið 2004. Nokkur saga er á bakvið nafnið, því Jóra er nefnd í höfuðið á Jóru nokkurri sem var heimasæta í Sandvíkurhrepp í Flóa í fornri tíð. Eitt sinn atti faðir hennar hesti sínum gegn öðrum á hestaati, og var Jóra meðal áhorfenda. Hestur föður hennar fór heldur halloka fyrir. Æfðist Jóra við það, og sté inn í atið, reif annað lærið undan hinum hestinum og tók á rás upp að þar sem nú er Ölfusárbrú á Selfossi. Tók hún þar þrjú björg og þeytti út í ánna, svo að hún gat runnið yfir. Tvö bjarganna standa þar enn, og heitir það Jóruhlaup. Þaðan hljóp hún upp í Hengil, gerðist tröllskessa og grandaði jafnt mönnum og málleysingjum upp frá því. Ekki er Jóra okkar svo illa skapi farin, en eins og nafna hennar er hún ekki við einhöm. Þó fer hún heldur litum, frekar en að breytast úr heimasætu í tröllkonu.
Jóra líkist móður sinni Ösku að mörgu leyti, í henni virðist vera kraftur og áræðni. Hágeng er hún einnig eins og ættir að henni liggja, en vöxturinn nokkuð merarlegur, einkum þar sem hún fúlsar sjaldan við góðri tuggu ef hana er að fá. Sem folald sýndi Jóra strax tilhneigingu til góðgangs og fór helst upp á tölt af feti. Sú tilhneiging hefur þó að mestu vikið fyrir brokki eins og verða vill með vexti og þroska.
Fyrstu árin var Jóra í uppeldi hjá Ástu Ólafsdóttur og Sigurði Einarssyni fyrrverandi ábúendum að Skúfslæk í Flóa. Þar þreifst hún vel, og sýndi mannblendni og kelni er stóðið var heimsókt. Fjögurra vetra gömul fór hún í vist til Kristins Guðnasonar í Ábæjarhjáleigu, með það fyrir augum að þar myndi hún leggja sitt af mörkum, ásamt vel völdum folum, til að fjölga litföróttum hrossum í landinu. Þar hefur Kristinn haldið henni undir vel valda fola, og fengið undan henni litfögur folöld.
Afkvæmi Jóru
Lydía frá Árbæjarhjáleigu, brúnlitförótt, 2009. F: Höttur frá Hofi
Jósafat frá Árbæjarhjáleigu, rauðlitföróttur, 2010. F: Óðinn frá Eystra-Fróðholti
Jónína frá Ábæjarhjáleigu, brún, 2011. F: Eldjárn frá Tjaldhólum
Sól frá Árbæjarhjáleigu, bleiklitförótt, 2012. F: Sólon frá Bjólu
Nn frá Árbæjarhjáleigu, bleiklitförótt, 2013. F: Þeyr frá Holtsmúla
Jóra líkist móður sinni Ösku að mörgu leyti, í henni virðist vera kraftur og áræðni. Hágeng er hún einnig eins og ættir að henni liggja, en vöxturinn nokkuð merarlegur, einkum þar sem hún fúlsar sjaldan við góðri tuggu ef hana er að fá. Sem folald sýndi Jóra strax tilhneigingu til góðgangs og fór helst upp á tölt af feti. Sú tilhneiging hefur þó að mestu vikið fyrir brokki eins og verða vill með vexti og þroska.
Fyrstu árin var Jóra í uppeldi hjá Ástu Ólafsdóttur og Sigurði Einarssyni fyrrverandi ábúendum að Skúfslæk í Flóa. Þar þreifst hún vel, og sýndi mannblendni og kelni er stóðið var heimsókt. Fjögurra vetra gömul fór hún í vist til Kristins Guðnasonar í Ábæjarhjáleigu, með það fyrir augum að þar myndi hún leggja sitt af mörkum, ásamt vel völdum folum, til að fjölga litföróttum hrossum í landinu. Þar hefur Kristinn haldið henni undir vel valda fola, og fengið undan henni litfögur folöld.
Afkvæmi Jóru
Lydía frá Árbæjarhjáleigu, brúnlitförótt, 2009. F: Höttur frá Hofi
Jósafat frá Árbæjarhjáleigu, rauðlitföróttur, 2010. F: Óðinn frá Eystra-Fróðholti
Jónína frá Ábæjarhjáleigu, brún, 2011. F: Eldjárn frá Tjaldhólum
Sól frá Árbæjarhjáleigu, bleiklitförótt, 2012. F: Sólon frá Bjólu
Nn frá Árbæjarhjáleigu, bleiklitförótt, 2013. F: Þeyr frá Holtsmúla
Júní 2013
