Aska er móálótt litförótt hryssa, fædd árið 1990 að Búðarhóli í Landeyjum, og ólst þar upp. Faðir hennar, Litfari, var rauðlitföróttur Þáttarsonur frá Kirkjubæ, notaður nokkuð hér á landi áður en hann var fluttur út til Belgíu átta vetra gamall. Móðir Ösku, Flugumýrar-Ófeigsdóttirin Klukka, var aldrei tamin til reiðar en gaf af sér góð afkvæmi, bæði á Búðarhóli og hjá síðari eigendum. Hún var bleikálótt skjótt að lit.
Aska var sjálf tamin í snúningum í kringum sauðfé, en var annars ekki notuð sem reiðhross svo að nokkru næmi. Hennar helstu kostir eru snarpur vilji og mikið þol. Í umgengni er Aska nokkuð köld í viðmóti, röltstygg, en lætur þó taka sig án mótþróa þegar í aðhald er komið. Þessi röltstyggð hefur þó að nokkru elst af henni. Framganga Ösku er röskleg, og helst fer hún um á skreflöngu og hágengu brokki undir sjálfri sér. Töltið býður hún upp á í reið, en skeið er ekki til staðar.
Aska kom í eigu fjölskyldunnar níu vetra gömul í gegnum hrossakaup þegar við lá að hún yrði seld úr landi. Með henni gekk ófeðrað rauðlitförótt hestfolald sem fórst folaldsveturinn. Hjá okkur hefur hún verið í folaldseignum og hefur átt ein níu afkvæmi síðastliðin hjá okkur.
Lagsi frá Bár, móálóttur vindóttur, 2002. F: Silfri frá Borgarhóli
Kreikur frá Bár, brúnn, 2003. F: Ísak frá Selfossi
Jóra frá Bár, brúnlitförótt, 2004. F: Ísak frá Selfossi
Imbra frá Bár, brúnsmástjörnótt, 2006. F: Snillingur frá Vorsabæ
Haddur frá Bár, brúnlitföróttur, 2007. F: Flygill frá Horni
Spraka frá Bár, móálótt litförótt, 2008. F: Bláskjár frá Kjarri
Afi frá Bár, móálóttur skjóttur tvístjörnóttur, 2009. F: Kinnskær frá Selfossi
Lúfa frá Bár, bleikstjörnótt, litförótt, vindóttur arfberi, 2010. F: Hvati frá Miðengi
Brák frá Bár, móálótt, 2011. F: Æsir frá Oddgeirshólum
Ösku var nú um miðjan júní 2013 haldið undir Draupni frá Stuðlum, leirljósan fola, tvævetran, undan Kiljani frá Steinnesi og heiðursverðlaunahryssunni Þernu frá Arnarhóli.
Aska var sjálf tamin í snúningum í kringum sauðfé, en var annars ekki notuð sem reiðhross svo að nokkru næmi. Hennar helstu kostir eru snarpur vilji og mikið þol. Í umgengni er Aska nokkuð köld í viðmóti, röltstygg, en lætur þó taka sig án mótþróa þegar í aðhald er komið. Þessi röltstyggð hefur þó að nokkru elst af henni. Framganga Ösku er röskleg, og helst fer hún um á skreflöngu og hágengu brokki undir sjálfri sér. Töltið býður hún upp á í reið, en skeið er ekki til staðar.
Aska kom í eigu fjölskyldunnar níu vetra gömul í gegnum hrossakaup þegar við lá að hún yrði seld úr landi. Með henni gekk ófeðrað rauðlitförótt hestfolald sem fórst folaldsveturinn. Hjá okkur hefur hún verið í folaldseignum og hefur átt ein níu afkvæmi síðastliðin hjá okkur.
Lagsi frá Bár, móálóttur vindóttur, 2002. F: Silfri frá Borgarhóli
Kreikur frá Bár, brúnn, 2003. F: Ísak frá Selfossi
Jóra frá Bár, brúnlitförótt, 2004. F: Ísak frá Selfossi
Imbra frá Bár, brúnsmástjörnótt, 2006. F: Snillingur frá Vorsabæ
Haddur frá Bár, brúnlitföróttur, 2007. F: Flygill frá Horni
Spraka frá Bár, móálótt litförótt, 2008. F: Bláskjár frá Kjarri
Afi frá Bár, móálóttur skjóttur tvístjörnóttur, 2009. F: Kinnskær frá Selfossi
Lúfa frá Bár, bleikstjörnótt, litförótt, vindóttur arfberi, 2010. F: Hvati frá Miðengi
Brák frá Bár, móálótt, 2011. F: Æsir frá Oddgeirshólum
Ösku var nú um miðjan júní 2013 haldið undir Draupni frá Stuðlum, leirljósan fola, tvævetran, undan Kiljani frá Steinnesi og heiðursverðlaunahryssunni Þernu frá Arnarhóli.
Júní 2013
